नदीच्या घाटावर बसून एक संगमोत्सुक विवाहिता
ये तो बडा टॉइन है या भावगीताच्या तालावर
अंतवस्त्रं धूत बसलेली पाहून एकूणच
आपल्या संस्कृतीचे काय होणार असे म्हणत
आम्ही ठरविले की अशा वृत्तवाहिन्या न पाहिलेलेच बरे
तर सौभाग्यवती म्हणाल्या की अशाने आपण
मारेकरी होऊ कारण की आता कुठे
आपल्या मंडळींना वाहिन्या काढावी अशी जाग येत आहे
म्हटल्यावर आम्ही नवी वाहिनी कोणती पाहावी असा
सुविचार करीत बसलो असताना सौभाग्यवती आतूनच म्हणाली की स्टार माझा.
म्हणजे आता हे नवे कोणते शीतपेय बाजारात आले काय, या प्रश्नावर ती म्हणाली
तुम्ही स्वतःच जाऊन का पाहात नाही
म्हणून आम्ही स्टार माझाच्या कार्यालयात गेलो
तर तेथे खूपच लहान लहान गोजिरवाणी मुले दिसली
म्हटल्यावर हरकून विचारले की असे का, तर ते कवितेत म्हणाले
की या बालांनो या रे या लवकर भरभर सारे या
न्यूज म्हणा रे न्यूज म्हणा स्टार माझा तुमचा समजा
अशी जाहिरात केल्यामुळे आता मुलेही
ये आई मला च्यानेलवर जाऊ दे
एकदाच गं टीव्हीवर मला न्यूज न्यूज देऊ दे
असे गीत म्हणू लागली आहेत
म्हटल्यावर आम्ही मुले कशा बातम्या देतात
हे पाहण्यासाठी स्टुडिओत गेलो
तर तेथे एक छानशी मुलगी
असावा सुंदर अविनाशचा बंगला
येणेप्रकारे छत्रपती अविनाश भोसले यांच्यासंबंधीचे वृत्त देत होती
ते ऐकून आम्ही आजची मुले किती निरागस असतात
असे धन्य होत पुढे गेलो तर तिथे गुन्हेगारीविषयक कार्यक्रमात निवेदक
लकडी की काठी
काठी का "घोडा'
इसके सर पे
उसने मारा हाथोडा
असे वृत्त देताना पाहून तर आमच्या डोळ्यांत आनंदाश्रूच येऊ लागले
?ह्णून आम्ही मागे फिरलो तर तिथे
देवा तुझे किती सुंदर आकाश
सुंदर प्रकाश सूर्य देतो असे हवामानवृत्त सुरू होते
ते ऐकून आम्ही श्रुती धन्य जाहल्या व आता
आपल्या भावी पिढीचा मुळीच काळजी नाही
व मराठी संस्कृतीही शाबूतच राहणार असे म्हणत
बीबीसीवर काय चालले आहे ते पाहू या म्हणत घरी परतलो.
Thursday, April 3, 2008
Subscribe to:
Post Comments (Atom)
2 comments:
लय झ्याक लिहीताय राव तुम्ही. आपल्या सारकाच कोनी इचार करतेय मनल्यावर बेस कसा नाय वाटनार ? असेच लिवा, झ्याक लिवा.
sahi
Post a Comment